mardi 26 avril 2011

سوفلي

لتحضير السوفلي لازمنا


للعجين

كيلو فرينة
250غ مارغرين طرية
2 مغارف أكل خميرة
2 مغارف سكر
بيضة
ملح 20غ أو مغرفة أكل ممسوحة ( cuillère à soupe rase)
ماء دافيء

الحشو
- صلصة الطماطم
رطل طمام ، بصلة، راس ثوم،القليل من الزيت، الملح، فلفل أكحل، كمون، فلفل عكري، ورقة الرند و اغصان من الزعيترة
نحطوهم على النار دون إضافة الماء و لما يطيب كل شي ننزع ورقة الرند و أغصان الزعيترة و نمرر الخليط الباقي في الطاحونة اليدوية أو نستعمل الميكسور ثم نضيف ملعقة كبيرة طماطم مصبرة و نعيد الخليط على النار لمدة قصيرة

- لحم مرحي حوالي 300 غ نحطوه في مقلاة على النار و نضيف له بصلة مسكرفجة و القليل من الملح و الفلفل الأسود و قطرة من عصير الليمون مع التحريك المستمر حتى يجف منه كل الماء اللي فيه

-زيتون منزوع النواة نغسلوه و نقطعوه

-الجبن المبشور 




كما يمكن إضافة أي شيء آخر نحبوه

التحضير

العجينة

نخلط الفرينة و الملح و السكر و الخميرة و نضيف الزبدة الطرية و نحكها مليح بين يدينا حتى تدخل في الفرين ثم نضيف البيضة و من بعد الماء الدافيء الضروري حتى نتحصل على عجينة
نعجنها قليلا ثم نبداو نخبطوها( كيما نعملوا مع عجينة الخفاف ) لمدة 15 د تقريبا
هنا نعملوا تجربة و نشوفوا العجينة نتاعنا إلا شبعت مخبط
نقسم العجينة بواسطة سكين و لازم تكون من الداخل كلها ثقوب (كـ جبن القرويار ) 



من بعد نعاود نلمها ، نغطيها و نخليها تخمر في مكان دافيء،حوالي 20إللى نصف ساعة

بعد التخمير نقسموها إلى كريات في حوالي 60غ
و فوق سطح مرشوش بالفرينة نحلها بالحلال
و نحط في وسطها الحشو المكون من
القليل ومن صلصة الطماطم
نرشوا فوقها اللحم المرحي
ثم الزيتون المقطع و في الخير رشة جبن مبشور
و ندهن الجوانب بالقليل من البيض 









ندهن السوفلي بالبيض و نزين بحبة زيتون كما ممكن إضافة الجلجلان أو السانوج
و نوضعوهم في صحن الفرن مدهون و مرشوش بالفرينة
ثم تطهى في فرن درجة حرارة 200 درجة مئوية لمدة 25 دقيقة





Aucun commentaire:

Enregistrer un commentaire

Enregistrer un commentaire